Dissabte pro assolelhat; dimenge caperat e damb quauques precipitacions

Aué dissabte 3 de març, auram un maitin e prumères ores dera tarde pro assolelhades, damb quauques bromes intercalades. A darrères ores aumentarà era nivolositat. Pas s'escarte quauqua precipitacion fòrça fèbla damb còta de nhèu sus es 1600 m. Vents moderadi de sud-oest.
Temperatures doces entara epòca der an, sustot es maximales (3°/15° en hons de Val; -3°/0° en còta 2.000).

Eth dimenge 4, serà pro embromat, encara que pòt aparéisher quauque clar, principauments en torn a meddia. Precipitacions fèbles e intermitentes que pera tarde poderien èster puntuauments moderades. Còta de nhèu en torn as 1700 m. Acumulacions de 10 a 15 cm en còtes nautes.
Vents moderadi deth sud-oest pendent era maitiada e eth maitin.
Descenuda de temperatures diürnes (4°/9° en hons de Val; -3°/0° en còta 2.000).

Eth deluns 5, s'alternaràn bromalhs e clari, pera tarde se poderien produsir quauques precipitacions damb còta de nhèu sus es 1100 m.
Temperatures minimes en descenuda e maximales en ascens respecte ara jornada anteriora (1°/11° en hons de Val; -6°/-2° en còta 2.000).