25/3/18

Jornades pro embromades en Aran.

Aué dimenge 25 de març, serà ua jornada pro embromada encara que se pòden daurir quauqui clari esporadics. Se produsiràn bères precipitacions fèbles e intermitentes damb còta de nhèu en tot oscillar entre es 800 e es 1200 m.
Vents fèbles de compausant nòrd e nòrd-est
Temperatures un shinhau heiredes entara epòca der an (1°/10° en hons de Val; -5°/-2° en còta 2.000).

Eth deluns predominaràn es bromes e bromalhs de tipe baish alternats damb bèth clar. Se poderien produsir quauques precipitacions fèbles e intermitentes, mès probables pera tarde e damb còta de nhèu sus es 1400 m, en tot descéner puntuauments as 1000 m.
Vents fèbles damb quauques bohades moderades de nòrd-oest en zònes nautes.
Temperatures similares (2°/8° en hons de Val; -8°/-2° en còtes mieges).

Eth dimars semble que s'alternaràn clari damb quauqui intervaus de bromalhs baishi.
Temperatures diürnes en ascens (1°/12° en hons de Val; -8°/2° en còta 2.000).