29/3/18

Jornades variables en Aran

Aué dijaus 29 de març, auram ues prumères ores fòrça embromades, damb quauqui plojats fèbles. Pendent era jornada s'alternaràn bromeres damb quauqui clari e se pòden produsir bères precipitacions fèbles e intermitentes. Pera net auram cèus pro sereni . Còta de nhèu sus es 1700 m.
Temperatures abituaus entara epòca (5°/14° en Bossòst; -3°/2° en còta 2.000).

Eth diuendres 30, serà ua jornada variabla, damb alternancia de bromes e clari e quauques precipitacions fèbles e intermitentes, que començarien a miei maitin e s'alongarien pendent eth transcors dera jornada. Còta de nhèu enes 1200 m pendent eth maitin, en tot descéner as 700 m a darrères ores
Vents fèbles de sud-oest damb quauques bohades moderades en zònes nautes.
Temperatures sense massa cambis (5°/14° en Bossòst; -3°/-1° en còta mieja).

Eth dissabte serà pro embromat  damb precipitacions fèbles que puntuauments poderien èster moderades. Còta de nhèu sus es 700 m. Acumulacions d'uns 10 cm en Baqueira 2500.
Vents moderadi de  nòrd e nòrd oest damb quauques bohades fòrtes en zònes nautes.
Temperatures en leugèra descenuda (3°/11° en Bossòst; -6°/-5° en còta 2.000).

Ad aguestes ores, semble qu'es precipitacions poderien afectar leugèraments ara procession deth maitin en Bossòst; per contra ena dera net existís pòca probabilitat de plojats. Sajaram de precisar en pròplèus bulletins.

Atencion tanben ath dimenge que poderie èster ua jornada espectacular e era darrèra oportunitat de gaudir deth powder ena Vald'Aran.