Lent e variable retorn ar iuèrn.

Tornam a èster deuant ua dimenjada variabla, un shinhau inestable e ena que lentaments retornaram ar iuèrn; mès credem que vam a gaudir de beri moments assolelhadi, sustot eth dimenge e de un shinhalet de powder. Coma tostemp en aguestes situacions, vos suggerim que seguigatz es actualizacions dera previ.

Eth diuendres 16 de març, auram un maitin pro assolelhat, damb quauqui intervaus de bromes mieges. A compdar de meddia aumentarà era nivolositat e se produsiràn precipitacions entre fèbles e moderades damb còta de nhèu sus es 1.200 m en tot descéner cap as 800 m ath ser. Acumulacions d'uns 10 cm en còtes nautes.
Temperatures en descenuda respecte a jornades anteriores (1°/9° en hons de Val; -6°/-2° en còta 2.000).

Eth dissabte 17, serà pro embromat encara que peth maitin se poderien daurir quauqui clari. A compdar de meddia aumentarà era nivolositat e se pòden produsir quauques precipitacions entre fèbles e moderades, damb còta de nhèu sus es 700 m e celhs d'uns 10 cm en còtes nautes.
Es temperatures contunharàn en leugèra descenuda (0°/8° en hons de Val;-7°/-4° en còta 2.000).

Eth dimenge predominarà eth solei, encara que pera tarde aumentarà era nivolositat e se poderien produsir quauques precipitacions fèbles damb còta de nhèu ath torn des 800 m.
Es temperatures contunharàn era sua lenta descenuda (-1°/8° en hons de Val; -11°/-4° en còta mieja).