10/3/18

Maitin damb clars e bromes, tempèstes de tarde.

Aué dissabte 10 de març, auram un maitin damb alternancia de clari e bromes; pas s'escarte quauqua fòrça fèbla precipitacion. Pera tarde aumentarà era nivolositat e se pòden produsir precipitacions que peth ser poderien èster puntuauments intenses e en forma de tempèsta. Còta de nhèu sus es 2.200 m.
Vents moderadi deth sud-oest, damb quauques bohades fòrtes; fòrça fòrta en zònes nautes.
Temperatures primaueraus (7°/19° en hons de Val; 2°/5° en còta mieja).

Eth dimenge 11, auram ua maitiada e un maitin damb clari e bromes de tipe naut e miei, que mos deisharàn celebrar era Còrsa dera Hemna en bones condicions. Pera tarde tornarà a aumentar era nivolositat e se poderie produsir quauqua precipitacion fèbla, damb còta de nhèu enes 1500 m, en tot descéner cap as 1200 m. Es vents contunharàn deth sud-oest moderadi damb quauques bohades fòrtes pendent eth maitin, en tot aloishar pera tarde.
Temperatures en leugèra descenuda (5°/17° en hons de Val, -1°/1° en còta 2.000).

Eth deluns 12, s'alternaràn bromes e clari e se poderie produsir quauqua fèbla precipitacion damb còta de nhèu en tot oscillar entre es 1000 e es 1300 m.
Es temperatures contunharàn en descenuda (4°/12° en hons de Val; -5°/-1° en còta 2.000).