15/3/18

Quauque cambi ara vista.

Aué Dijaus 15 de març auram un maitin damb clari e quauque intervau embromat. Pera tarde aumentarà era alternancia de bromes e clari, pas s'escarte quauqua fèbla precipitacion que serie mès probabla pera tarde e a darrères ores. Còta de nhèu enes 1800 m en tot descéner pendent era jornada cap as 1000 m. Vents fèbles deth sud-oest damb quauqua bohada moderada.
Temperatures encara doces entara epòca (4°/14° en Vielha; -4°/1° en còta 2.000).

Eth diuendres 16, serà pro embromat damb precipitacions fèbles e intermitentes pendent eth maitin e moderades e puntuauments intenses pendent era tarde e prumères ores dera net. Còta de nhèu entre es 1100 e es 800 m. Acumulacions de 15 a 20 cm en Baqueira 2500.
Temperatures en descenuda (2°/9° en Vielha; -7°/-2° en còta 2.000).

Eth dissabte peth maitin s'alternaràn bromes e clari. Pera tarde aumentarà era nivolositat e se poderie produsir quauqua precipitacion. Còta de nhèu sus es 700 m.
Es temperatures contunharàn en descenuda (0°/9° en Vielha; -9°/-4° en còta 2.000).