13/3/18

Seguim damb variabilitat en Aran.

Aué dimars 13 de març, auram un maitin damb nivolositat abondiua, alternada damb quauque clar e damb quauqua possibilitat de ploja fèbla. Era còta de nhèu sus es 1600 m. Pendent era tarde e net es cèus seràn pro sereni.
Temperatures minimes en descenuda e maximales en leugèra pujada (0°/13° en hons de Val; -5°/1° en còta 2.000).

Eth dimèrcles 14, peth maitin dominarà eth solei damb quauques bromes nautes e primes. Pera tarde aumentarà era nivolositat damb bèra possibilitat de precipitacions fèbles. Pera net se produsiràn plojats moderadi que puntuauments seràn intensi. Còta de nhèu sus es 1.900 m. 
Vents moderadi deth sud damb quauqua bohada fòrta pendent era tarde.
Temperatures en ascens (3°/17° en hons de Val; -4°/3° en còta 2.000).

Eth dijaus pendent era maitiada contunharàn es plojats, còta de nhèu sus es 1900 m. Peth maitin se poderien daurir quauqui clari. Pera tarde tornarà a aumentar era nivolositat e tornarien a produsir-se quauques precipitacions. Era còta descenerie des 1800 m cap as 1.000 m.
Vents moderadi deth sud-oest.
Temperatures diürnes en leugèra descenuda (4°/14° en hons de Val; -2°/0° en còta mieja).