Setmana variable en Aran

Aué deluns 26 de març, serà ua jornada pro embromada damb precipitacions intermitentes d'intensitat fèbla, encara que puntuauments moderades. A darrères ores desapareisheràn es plojats e se pòden daurir quauqui clari. Còta de nhèu ath torn des 1.400 m acumulacions d'uns 15 cm en Cap de Baqueira.
Vents de nòrd-oest damb quauques bohades moderades en zònes nautes. 
Temperatures un shinhau heiredes entara epòca der an (2°/7° en hons de Val; -5°/-2° en còta 2.000).

Eth dimars 27, seguiram damb nivolositat abondiua, encara que alternada damb quauqui clari. Se pòt produsir bèra precipitacion fèbla pendent eth maitin damb còta de nhèu sus es 1800 m. Vents deth nòrd-oest.
Temperatures en ascens (2°/12° en hons de Val; -8°/-1° en còta mieja).

Eth dimèrcles 28 serà pro assolelhat damb quauqui intervaus embromadi e increment dera nivolositat a darrères ores.
Es temperatures contunharàn ascens (5°/14° en hons de Val; -3°/4° en còta 2.000).