Auta dimenjada variabla en Aran, tamb maitins tranquili

Aué diuendres 13 d'abriu, serà ua jornada pro embromada, encara que se dauriràn quauqui clari. A darrères ores deth maitin se pòden produsir precipitacions intermitentes de fèbles a moderades . Pendent era tarde probabilitat nauta de tempèstes intermitentes acompanhades d'activitat electrica e que desapareisheràn a darrères ores. Còta de nhèu entre es 1600 e 1800 m.
Vents doci deth Sud damb quauqua bohada moderada.
Temperatures fresques (4°/14° en Vielha; 3°/15° en Les).

Eth dissabte, auram alternancia de clari damb bromes de tipe naut e miei. Pera tarde aumentarà era nivolositat e se poderie produsir bèra precipitacion fèbla.
Temperatures similars (4°/15° en Vielha; 4°/16° en Les).

Eth dimenge pendent eth maitin auram solei embaranat per quauques bromes nautes. Pera tarde aumentarà leugeraments era nivolositat damb possibilitat mieja de plojats.
Temperatures en leugèr ascens (6°/18° en Vielha; 5°/20° en Les).