30/4/18

Deluns e dimars variables en Aran.

Aué deluns 30 d'abriu, auram un maitin damb cèus sereni alternats damb quauques bromes escampilhades. Pera tarde aumentarà era nivolositat e se produsiràn quauques precipitacions intermitentes damb còta de nhèu sus es 1700 m, en tot descéner pendent era net cap as 1100 m.
Vents fèbles deth sud-oest en tot virar ath nòrd pera net.
Temperatures per jos des normaus entara epòca (4°/13° en Bossòst; 1°/10° en Salardú).. 

Eth dimars prumèr de mai, pendent era maitiada e prumères ores deth maitin seguiram damb cèus embromadi e precipitacions fèbles damb còta de nhèu ath torn des 1100 m. Pendent era jornada s'alternaràn bromalhs e clari e se poderie produsir quauqua fèbla precipitacion damb còta de nhèu en tot pujar cap as 1500 m. Vents fèbles de nòrd.
Temperatures un shinhau mès baishes e damb gelades peth dessús des 1.300 m (2°/12° en Bossòst; 0°/9° en Salardú).

Eth dimèrcles serà pro assolelhat e contunharam damb vents fèbles deth nòrd.
Temperatura similara ara jornada anteriora (1°/14° en Bossòst; -1°/11° en Salardú).