Dimenge tamb ploges, deluns e dimars variables

Aué dimenge 29 d'abriu, auram ua jornada pro embromada, damb precipitacions moderades e puntuauments intenses pendent eth maitin; un shinhau mès fèbles pera tarde e en tot desaparéisher pera net. Tornaram a veir es montanhes nheuades peth dessús des 1700 m encara que se pòt escapar quauque flóc a darrères ores enquiara còta 1200 m.
Vents fèbles de sud-oest damb quauqua bohada moderada.
Temperatures maximales en descenuda damb pòca amplor termica (7°/11° en Es Bòrdes; 6°/10° en Unha).. 

Eth deluns 30 d'abriu, eth maitin serà assolelhat damb quauqua broma escampilhada. Pera tarde aumentarà era nivolositat e se poderie produsir quauqua precipitacion. Còta de nhèu enes 1700 m en tot descéner pera net cap as 1100 m. Vents fèbles de sud-oest.
Descenuda des temperatures minimes (3°/12° en Es Bòrdes; 2°/10° en Unha).. 

Eth dimars prumèr de mai, pendent eth maitin s'alternaràn bromes baishes e miegess damb quauques estones de solei, pas s'escarte quauqua fèbla precipitacion. Era tarde serà pro assolelhada. Vents fèbles deth nòrd.
Temperatures similares ara jornada anteriora (3°/13° en Es Bòrdes; 1°/11° en Unha).