8/4/18

En tot dar comiat era sason damb nheuades en còtes mieges e nautes

Aué dimenge 8 d'abriu, auram ua jornada caperada damb precipitacions pro contínues de caractèr moderat e puntuauments intenses. Pera net es precipitacions anaràn aloishant. Còta de nhèu enes 1.900 m a prumères ores en tot descéner enquias 1.500 m pendent era tarde net. S'acumularàn mès de 30 litres en zònes baishes e mès de 25 cm de nhèu naua en còtes nautes. Vents fèbles deth  nòrd-oest.
Notabla descenuda des temperatures diürnes respecte a jornades anteriores (6°/11° en hons de Val; -1°/2° en còta mieja).

Eth deluns 9, pendent era maitiada e maitin predominaràn es cèus sereni. Pera tarde aumentarà era nivolositat e se tornaràn a produsir precipitacions moderades. Còta de nhèu enes 2.000 m en tot descéner cap as 1.300 m pera net. Acumulacions de mès de 15 cm en còtes nautes. Vents fèbles deth sud-oest damb quauques bohades moderades.
Leugèr ascens des temperatures maximales (5°/14° en hons de Val; -4°/2° en còta mieja).

Eth dimars 10 serà pro embromat damb quauques precipitacions fèbles, qu'a darrères ores poderien èster moderades. Vents fèbles deth sud.
Temperatura similara (4°/14° en hons de Val; -4°/-1° en còta 2.000).

A causa des abondiues precipitacions, se produsirà aumentacion de cabau en arrius e barrancs.