Jornades d'ostiu en Aran.

Aué dimèrcles 18 d'abriu, auram un dia pro assolelhat damb quauques franges de bromes nautes. Pera tarde se pòt desvolopar quauqua broma d'evolucion isolada. Vents doci de sud-oest damb quauqua bohada moderada.
Temperatures maximales d'ostiu (7°/25° en Betren; 7°/24° en Arties).. 

Eth dijaus 19, pendent eth maitin dominaràn es cèus sereni. Pera tarde se desvoloparàn quauques bromes d'evolucion damb probabilitat baisha de tronada, que poderie anar acompanhada de un shinhau d'hanga. Vents fèbles deth sud-oest.
Es temperatures contunharàn en tot èster fòrça nautes entara epòca (10°/26° en Betren; 8°/25° en Arties).. 

Eth diuendres 20, serà ua jornada assolelhada damb formacion de quauques bromes convectiues pera tarde e probabilitat baisha de tempèsta. Vents fèbles deth sud.
Es temperatures seguiràn nautes, encara qu'es maximales demoraràn un shinhau mès cuertes (9°/24° en Betren; 8°/22° en Arties).