3/4/18

Variabilitat primauerau ena Val d'Aran

Aué dimars 3 d'abriu, serà ua jornada damb alternancia de bromes e clari. Possibilitat de quauqui plojats que seràn mès probables a prumères e darrères ores. Còta de nhèu ath torn des 1900 m. Vents moderadi deth sud-oest.
Temperatures de primauera (8°/19° en hons de val; 0°/6° en còta 2.000).

Eth dimèrcles seguiram damb intervaus de clari e bromes, que seràn un shinhau mès importants qu'era jornada anteriora. Se pòden produsir precipitacions intermitentes de caractèr fèble encara que puntuauments moderadi. Còta de nhèu sus es 1800 m.
Temperatures en leugèra descenuda (7°/16° en hons de val; 0°/4° en còta 2.000).

Eth dijaus serà pro assolelhat damb quauqui intervaus de bromes nautes.
Temperatures leugèraments mès baishes qu'era jornada anteriora (5°/15° en hons de val; -1°/4° en còta 2.000).