7/5/18

Deluns variable, damb tempèstes de tarde e temperatures doces

Aué deluns 7 de mai, auram un maitin damb alternancia de bromes e clari, pas s'escarte quauqua fèbla precipitacion. Pera tarde aumentarà era nivolositat damb probabilitat fòrça nauta de tempèsta que puntuauments poderien èster intenses e acompanhades de peira. Es precipitacions poderien contunhar pendent era net. Vents damb quauqua bohada fòrta de nòrd.
Temperatures nautes entara epòca, damb descenudes puntuaus a causa dera activitat tormentosa (9°/21° en Escunhau; 8°/20° en Arres).

Eth dimars se alternaràn bromes e clari, se poderie produsir quauqua fèbla precipitacion damb probabilitat mieja de tempèsta pendent era tarde. Vents fèbles deth nòrd.
Temperatures diürnes que se demoraràn un shinhau mès cuertes (11°/19° en Escunhau; 10°/17° en Arres).

Eth dimèrcles serà pro assolelhat damb quauques bromeres a darrères ores. 
Temperatures sense massa cambis (8°/18° en Escunhau; 7°/16° en Arres).