5/5/18

Dissabte damb bromeres, dimenge damb solei e possibles tronades de tarde.

Aué dissabte 5 de mai, contunharam damb es tipiques bromeres araneses, que deisharàn quauqua ploga fèbla e intermitenta pendent eth maitin. Pera tarde se poderie produsir quauque plojat. A darrères ores se dauriràn clari e era net serà serena. Vents fèbles deth nòrd.
Temperatures en ascens respecte a jornades anteriores, en tot èster es normaus entara epòca (8°/18° en Bossòst; 5°/15° en Salardú). 

Eth dimenge auram un maitin damb cèus pro sereni. Pera tarde s'alternaràn bromes d'evolucion damb clari. Probabilitat mieja de tronades.
Temperatures agradables (8°/21° en Bossòst; 6°/19° en Salardú).

Eth deluns peth maitin serà assolelhat damb quauqui bromalhs nauti. Pera tarde aumentarà era nivolositat e se produsiràn quauques precipitacions.
Temperatura similara ara jornada anteriora (9°/22° en Bossòst; 7°/19° en Salardú).