Maitins variables e tardes damb possibilitat de tronada.

Aué dimars 29 de mai, auram un maitin damb nivolositat abondiua, alternada damb quauque clar e damb bères precipitacions fèbles e intermitentes. Pera tarde se formaràn bromalhs d'evolucion intercaladi damb clari e damb probabilitat nauta de tempèsta. Vents fèbles deth sud.
Temperatures abituaus entara epòca (9°/19° en Arròs; 7°/17° en Bagergue).

Eth dimèrcles seguiram damb ua situacion similara es jornades anteriores: alternancia de clari e bromes peth maitin damb possibilitat de quauqua precipitacion fèbla. Pendent era tarde, formacion de bromalhs convectius damb probabilitat nauta de tronada.
Temperatures sense cambis (9°/18° en Arròs; 7°/16° en Bagergue).