Dijaus pro embromat e damb possibilitat de plojats.

Aué dijaus 28 de junh, serà ua jornada embromada, encara que se dauriràn bèri clari. Possibilitat de quauque plojat fèble e intermitent pendent eth maitin. Pera tarde se desvoloparàn bromalhs convectius que provocaràn bères tronades intermitentes, qu'a darrèra ora poderien èster puntuauments intenses.
Es temperatures diürnes demoraràn quauquarren mès cuertes qu'es jornades anteriores (14°/25° en Vilac; 13°/24° en Gessa).

Eth diuendres 29, eth maitin serà assolelhat encara que damb quauques bromes nautes e mieges a prumères ores. Pera tarde se tornaràn a formar bromalhs d'evolucion damb probabilitat nauta de tempèsta.
Temperatures maximales en ascens (14°/28° en Vilac; 12°/26° en Gessa).

Eth dissabte 30 serà assolelhat damb quauqui bromalhs d'evolucion pendent era tarde e damb probabilitat mieja de tempèsta.
Seguraments serà era jornada tamb mès calor de çò qu'amiam d'estiu (15°/31° en Vilac; 14°/29° en Gessa).