Dimars damb un shinhau de solei peth maitin e plojats de tarde.

Aué dimars 12 de junh, auram un maitin damb alternancia de solei e brumes escampilhades. A compdar de meddia aumentarà era nivolositat. Pera tarde se produsiràn plojats intermitenti e en principi de pòca intensitat encara que puntuauments poderien èster moderadi. Vents fèbles deth nòrd-oeste pendent era tarde.
Temperatures fresques (10°/19° en Les; 10°/17° en *Bausen).

Eth dimèrcles serà mercat pera preséncia de bromeres e bromes baishes damb quauques precipitacions intermitentes. Vents fèbles deth nòrd damb quauques bohades moderades.
Es temperatures contunharàn en tot èster baishes entara epòca (10°/18° en Les; 9°/17° en *Bausen).

A compdar deth dijaus se demore cèrta melhoria, damb cessament des precipitacions e un leugèr ascens de temperatures.