Dimenjada tamb fòrça calor ena Val d'Aran

Aué diuendres 29 de junh, auram un maitin damb alternancia de clari damb nivolositat de tipe naut e miei; pas s'escarte quauqua fèbla rogina. Pera tarde se formaràn bromalhs d'evolucion damb probabilitat nauta de tronada.
Temperatures en ascens respecte as jornades anteriores (14°/28° en Vilac; 12°/26° en Gessa).

Eth dissabte 30, serà assolelhat damb formacion de quauqui bromalhs d'evolucion pera tarde e damb probabilitat fòrça baisha de tempèsta ath nòrd dera Val. Vents deth sud fèbles damb quauqua bohada moderada.
Temperatures en tot tocar tet que mos deisharàn era jornada de mès calor de çò qu'amiam d'an (14°/32° en Vilac; 13°/30° en Gessa).

Eth dimenge 1 de junhsèga, tornaram a gaudir d'un maitin assolelhat. Pera tarde se tornaràn a formar bromalhs convectius damb probabilitat mieja de tempèsta.
Es temperatures contunharàn en tot èster fòrça nautes encara que un shinhau mens qu'era jornada anteriora (14°/30° en Vilac; 13°/29° en Gessa).