Temperatures agradables entà celebrar Sant Joan

Aué dissabte 23 de junh, auram quauques brumes a prumères ores, que desapareisheràn rapidaments entà deishar-mos ua jornada assolelhada. Pera tarde se formaràn quauqui bromalhs d'evolucion alternadi damb clari. Es tempèstes se formaràn en vessant sud deth Pirenèu e pas credem qu'afectatz ara Val, encara que pas s'escarte quauque plojat ena zòna mès meridionau.
Temperatures normaus entara epòca (12°/25° en Les; 12°/24° en Arties).

Eth dimenge 24, eth maitin serà assolelhat damb intervaus de bromes nautes e primes que embarnaràn quauquarren eth cèu. Pera tarde se formarà quauque bromalh d'evolucion escampilhat.
Temperatures en ascens (13°/28° en Les; 12°/26° en Arties).