1/6/18

Temperatures normaus e cèrta variabilitat entara dimenjada

Aué diuendres 1 de junh, auram un maitin assolelhat damb quauqua broma baisha e escampilhada. A compdar deth meddia creisheràn quauqui bromalhs d'evolucion, alternadi damb clari e damb probabilitat mieja-nauta de plojats.
Temperatures normaus entara epòca (9°/20° en Arròs; 7°/18° en Bagergue).

Eth dissabte 2, pendent eth maitin s'alternaràn clari damb bromes nautes e mieges. Pera tarde se tornaràn a formar bromalhs d'evolucion damb probabilitat mieja de plojats.
Temperatures sense cambis (10°/21° en Arròs; 8°/18° en Bagergue).

Eth dimenge 3, peth maitin auram nivolositat de tipe naut e miei alternada damb clari. Pendent era tarde se tornaràn a desvolopar bromalhs convectius damb probabilitat mieja-baisha de tronada.
Es temperatures contunharàn en tot èster es abituaus entara epòca (9°/20° en Arròs;7°/17° en Bagergue).