27/7/18

Diuendres pro assolelhat, dissabte de refresc e dimenge en tot tornar ar ostiu.

Aué diuendres 27 de junhsèga, serà ua jornada assolelhada damb quauqui intervaus de bromes nautes. Pera tarde se desvoloparàn bromalhs d'evolucion damb probabilitat miei-baisha de plojats de cuerta durada. Vents fèbles deth sud.
Temperatura pleaments d'ostiu similares ara jornada anteriora (16°/29° en Betlan; 14°/27° en Unha).

En dissabte 28, serà ua jornada de refresc protagonizada pes tipiques bromères araneses, alternades damb quauqui clari, que puntuauments poderien deishar bèra fèbla rogina.
Temperatures minimes sense cambis, diürnes notablaments mès fresques (16°/22° en Betlan; 15°/20° en Unha).

Eth dimenge 29, dia dera "Corsa Aran per sa lengua", eth maitin serà pro assolelhat. Pera tarde s'alternaràn clars damb bromalhs e probabilitat mieja que se produsisque quauque plojat.
Temperatures en ascens nauaments (14°/28° en Betlan; 13°/27° en Unha).