Aué eth dia de mès calor der an. Normalizacion de temperatures a compdar de deman.

Aué deluns 6 d'agost, auram un maitin assolelhat. Pera tarde se desvoloparàn bromalhs convectius damb probabilitat baisha de tronada.
Temperatures diürnes fòrça nautes que provocaràn qu'aué sigue eth dia mès caud de çò qu'amiam d'an (15°/33° en Vielha; 16°/34° en Les).

Eth dimars tornaram a gaudir d'un maitin assolelhat. Pendent era tarde tornarà a aumentar era nivolositat damb probabilitat mieja de plojat.
Temperatures nautes, encara qu'en descenuda respecte a jornades anteriores (15°/28° en Vielha; 15°/29° en Les).

Eth dimèrcles serà pro embromat, damb quauqui clari sustot pendent es ores centraus dera jornada. A darrères ores se produsiràn quauques precipitacions. Vents fèbles deth sud.
Es temperatures contunharàn en descenuda e seràn es normaus entara epòca (14°/24° en Vielha; 15°/25° en Les).