8/8/18

Dies de refresc e un shinhau d'inestabilitat

Aué dimèrcles 8 d'agost, pendent eth maitin s'alternaràn bromes e clari. Pera tarde se formarà nivolositat d'evolucion qu'a darrères ores deisharie quauqua tronada. Vents fèbles de sud damb quauques bohades moderades.
Temperatures agradables (13°/25° en Vielha; 15°/26° en Les).

Eth dijaus 9, serà pro embromat, encara qu'apareisheràn quauqui clari. Se pòt produsir bèt plojat pendent eth maitin e quauqui plojats de tarde.
Temperatures diürnes fresques (12°/19° en Vielha; 13°/20° en Les).

Eth diuendres 10, s'alternaràn es tipiques bromères araneses damb quauqui clari e pas s'escarte bèra precipitacion pendent era tarde.
Es temperatures contunharàn en tot èster fresques (11°/20° en Vielha; 12°/22° en Les).