27/8/18

Inici de setmana d'ostiu ena Val d'Aran.

Aué deluns 27 d'agost, serà ua jornada assolelhada damb quauqui bromalhs escampilhadi pendent era tarde.
Temperatures en ascens, que seràn leugèraments peth dessús des normaus entara epòca (10°/27° en Betren; 8°/25° en Vilamòs).

Eth dimars 28, peth maitin contunharam damb solei encara que damb bères bromes nautes. Pera tarde aumentarà era nivolositat e a darrères ores se poderie produsir bèra tronada que poderie deishar un shinhau d'hanga a causa deth povàs en suspension. Vents fèbles deth sud damb bèra bohada moderada pendent era tarde.
Temperatures maximales fòrça nautes, que mos deisharàn un des dies de mès caumàs der an (12°/34° en Betren; 10°/32° en Vilamòs).

Eth dimèrcles 29, serà pro embromat damb possibilitat de quauqui plojats intermitenti.
Fòrta descenuda des temperatures diürnes, encara que seràn es normaus entara epòca (14°/24° en Betren; 13°/23° en Vilamòs).