Solei, quauques brumes e temperatures agradables

Aué dimars 14 d'agost, auram un maitin damb solei e quauques brumes escampilhades trucades as vessants e qu'anaràn desapareishent. Era tarde serà mès assolelhada encara qu'encara damb quauqua bruma escampilhada. Vents fèbles deth nòrd.
Temperatures minimes fresques, diürnes agradables (14°/22° en Bossòst; 12°/21° en Arties).. 

Eth dimèrcles 15, serà ua jornada assolelhada damb vents fèbles deth nòrd-est.
Temperatures maximales en ascens (13°/25° en Bossòst; 11°/23° en Arties).

Eth dijaus 16, pendent grana part dera jornada, seguiram damb solei, encara qu'a darrères ores aumentarà era nivolositat e se poderien produsir quauqui plojats. Es temperatures contunharàn en ascens.