Ambient d'ostiu en Aran

Aué dimèrcles 19 de seteme, serà ua jornada assolelhada, encara que pendent era tarde se formaràn quauqui bromalhs d'evolucion damb probabilitat baisha de plojat. Vents fèbles deth nòrd.
Temperatures diürnes nautes entara epòca (11°/25° en Escunhau; 9°/23° en Arres).

Eth dijaus 20, seguirà er ambient assolelhat damb quauqui bromalhs escampilhadi pendent era tarde. 
Temperatures maximales d'ostiu (12°/27° en Escunhau; 10°/25° en Arres).

Eth diuendres 21, pendent eth maitin contunharam damb cèus sereni. Pera tarde aumentarà era nivolositat e se poderien produsir quauqui plojats dispersi.
Es temperatures contunharàn en tot èster nautes encara qu'en leugèra descenuda respect as jornades anteriores (12°/24° en Escunhau; 10°/22° en Arres).