Començament de setmana pro assolelhat e damb temperatures en aument.

Aué deluns 10 de seteme, auram ua jornada assolelhada damb quauqui bromalhs baishi e escampilhadi. Pera tarde aumentarà era nivolositat d'evolucion e pas s'escarte que dèishe quauqua fèbla e isolada precipitacion.
Temperatures minimes fresques, diürnes similares ara jornada anteriora (10°/22°en Vielha; 8°/20° en Salardú).

Eth dimars 11, serà pro assolelhat, encara que pera tarde poderie aumentar leugèraments era nivolositat que poderie deishar bèra precipitacion fèbla e escampilhada.
Ascens de temperatures diürnes (10°/26° en Vielha; 8°/24° en Salardú).

Eth dimèrcles 12, serà quauquarren mès embromat damb possibilitat de quauqua tempèsta de tarde. Vents moderadi deth sud pendent era maitiada.
Temperatures que contunharàn en ascens (12°/27° en Vielha; 10°/25° en Salardú).