Fin de setmana d'ostiu ena Val d'Aran

Aué diuendres 21 de seteme, auram un maitin assolelhat damb quauqui bromalhs nauti. A compdar de meddia era nivolositat serà mès compacta e apareisheràn bères bromes; se poderie produsir bèra fèbla precipitacion pendent era tarde e eth ser.
Temperatures normaus entara epòca, encara qu'en descenuda respecte a jornades anteriores (12°/23° en Escunhau; 10°/21° en Arres).

Eth dissabte 22, a prumères ores encara auram quauques bromes. Eth rèste dera jornada serà assolelhat encara que damb bromalhs nauti que embaranaràn eth cèu.
Temperatures diürnes en ascens que mos deisharàn ua jornada d'ostiu (13°/25° en Escunhau; 11°/23° en Arres).

Eth dimenge serà assolelhat encara que damb quauques bromes nautes e primes pendent eth maitin.
Temperatures maximales de plen estiu (12°/26° en Escunhau; 11°/24° en Arres).