Tres dies de temperatures diürnes agradables. Entrada d'aire heired a compdar de dissabte

Aué dimèrcles 24 d'octobre, serà ua jornada assolelhada, damb vents fèbles deth nòrd e damb quauqua bohada moderada en còtes nautes.
Temperatures minimes heiredes e maximales agradables entara epòca (3°/19° en Aubèrt; 2°/16° en Bagergue).

Eth dijaus 25, seguiram damb cèus sereni e damb temperatures diürnes leugèraments en ascens (3°/20° en Aubèrt; 1°/18° en Bagergue).

Eth diuendres 26, auram solei embaranat per bromes nautes. A darrères ores se poderie produsir quauque plojat.
Darrèr dia de temperatures maximales agradables (5°/19° en Aubèrt; 3°/16° en Bagergue).

A compdar deth dissabte: entrada d'aire heired que mos acompanharà pendent diuèrsi dies e que deisharà nheuades en còtes baishes. Precisaram era prediccion en pròplèus bulletins.