13/11/18

Estabilitat e temperatures doces ena Val d'Aran

Aué dimars 13 de noveme, auram un maitin damb nivolositat alternada damb clari. Era tarde serà assolelhada.
Temperatures doces (10°/17° en Les; 9°/15° en Casarilh).

Eth dimèrcles 14, serà ua jornada pro assolelhada damb quauqui intervaus de bromalhs nauti e primi. Vents fèbles deth sud.
Descenuda des temperatures minimes e ascens des maximales (6°/20° en Les; 5°/18° en Casarilh).

Eth dijaus 15, seguiram damb solei e quauques bandes de bromalhs nauti e mieis. Vents fèbles deth sud.
Es temperatures contunharàn fòrça doces entara epòca (7°/19° en Les; 5°/17° en Casarilh).