11/12/18

Dimars calmat, dimèrcles caperat e quauques nheuades entath dijaus.

Aué dimars 11 de deseme, serà ua jornada assolelhada damb bromalhs nauti e fòrça primi.
Leugèra inversion termica e temperatures maximales en leugèr ascens (0°/11° en Gausac; 0°/9° en Arties).

Eth dimèrcles 12 serà un shinhau mès caperat e pas s'escarten precipitacions fèbles e isolades, sustot pendent eth maitin. Vents fèbles deth nòrd.
Temperatures diürnes en descenuda (0°/8° en Gausac; 0°/6° en Arties).

Eth dijaus 13, auram nivolositat abondiua e precipitacions entre fèbles e moderades pendent era tarde e net. Còta de nhèu sus es 1.300 m. Acumulacions d'ath torn de 30 cm en còtes nautes. Vents fèbles deth nòrd damb quauqua bohada moderada a darrères ores.
Temperatures que contunharàn en descenuda (0°/7° en Gausac; -1°/5° en Arties).