10/12/18

Inici de setmana establa, en tot demorar cambiaments entath dijaus.

Aué deluns 10 de deseme, serà ua jornada assolelhada damb bancs de bromes fòrça dispersi a prumères ores e quauqui bromalhs nauti e fòrça primes era rèsta dera jornada. Vents fèbles damb quauqua bohada moderada deth nòrd.

Temperatures en leugèra descenuda respecte a jornades anteriores (0°/10° en Gausac; -1°/8° en Arties).

Eth dimars 11 seguiram damb solei e damb quauqui bromalhs nauti e primi.
Temperatures diürnes en ascens (0°/12° en Gausac; -1°/10° en Arties).

Eth dimèrcles 12 serà un shinhau mès embromat e pas s'escarte bèra fèbla precipitacion.
Temperatures en descenuda (0°/8° en Gausac; -1°/6° en Arties).

Eth dijaus 13 se demore un cambi de temps que poderie portar quauques nheuades a compdar dera tarde; ac confirmaram en pròplèus bulletins.