Dus dies heireds en Aran.

Es nheuades d'aguesta net an deishat 5 cm en Vielha, 15 cm en còta 2.200 e 22 cm en Baqueira 2.500.

Aué dijaus 10 gèr, auram un maitin damb nivolositat abondiua e quauques nheuades fèbles. Pera tarde desapareisheràn es precipitacions e se dauriràn clar. Vents de nòrd damb quauqua bohada moderada, fòrta en zònes nautes.
Temperatures heiredes en descenuda pendent era jornada (-3°/1° en Gausac; -11°/-8° en Beret).

Eth diuendres 11, pendent eth maitin auram clars alternadi damb quauques brumes. Pera tarde aumentarà era nivolositat e se produsiràn bères nheuades fèbles e intermitentes que poderien alongar-se pendent era net. Vent deth nòrd damb bohades moderades.
Temperatures minimes en tot tocar hons (-6°/3° en Gausac; -13°/-8° en Beret).

Eth dissabte 12 s'alternaràn brumes e clars. Vents fèbles deth nòrd. Temperatures en ascens (-3°/4° en Gausac; -7°/-2° en Beret).