Seguís era estabilitat, encara que damb cambis ara vista entà mieja setmana que ven.

Aué diuendres 4 de gèr, seguiram damb cèus sereni plapejadi per quauqui bromalhs nauti e primi. Temperatures normaus entara epòca (-3°/7° en Vielha; -3°/2° en Baqueira 1800).

Eth dissabte 5, serà fòrça similar ara jornada anteriora e damb temperatures sense cambis (-3°/7° en Vielha; -4°/2° en Baqueira 1800).

Eth dimenge 6, contunharà era madeisha tendéncia qu'es jornades anteriores e damb temperatures similares (-2°/8° en Vielha; -4°/2° en Baqueira 1800).

Semble qu'era dinamica cambiarie a compdar deth dimèrcles 9, damb ua entrada d'aire heired e cèrta inestabilitat, que poderie provocar quauques nheuades. Ac confirmaram en pròplèus bulletins.