25/10/18

Dijaus e diuendres tranquilli, dissabte iuernau.

Aué dijaus 25 d'octobre, serà era darrèra jornada pleaments assolelhada dera setmana.
Temperatures minimes fresques e diürnes peth dessús des normaus entara epòca (5°/19° en Aubèrt; 3°/16° en Bagergue).

Eth diuendres 26 auram solei embaranat per bromalhs nauti.
Ascens des temperatures minimes; es maximales encara se resistiràn a descéner (7°/18° en Aubèrt; 5°/16° en Bagergue).

Eth dissabte 27, serà ua jornada iuernau damb nivolositat abondiua; precipitacions que començaràn de maitiada e que s'alonguaran intermitentements pendent grana part dera jornada. Còta de nhèu que començaràn es 2.200 m de maitiada en tot descéner pendent era jornada enquia plaçar-se enes 900 m pendent era tarde. Celhs de nhèu peth dessús des 35 cm en còtes nautes.
Fòrta descenuda de temperatures (4°/9° en Aubèrt; 2°/6° en Bagergue).

Semble qu'eth dimenge 28, desapareisheran es precipitacions donques que se concentrarien en Cantàbric, encara qu'es modèls encara non se meten d'acòrd, ac verificaram.