26/10/18

Dimenjada d'auanç der Iuèrn 2018-19.

Aué diuendres 26 octobre, serà ua jornada damb solei embaranat per bromes nautes. A darrères ores aumentarà era nivolositat e se produsiràn quauques fèbles precipitacions. Temperatures encara nautes entara epòca (5°/18° en Aubèrt; 4°/15° en Bagergue).

Eth dissabte 27, serà ua jornada embromada damb precipitacions qu'en principi seràn fèbles, encara que puntuauments poderien èster moderades. Còta de nhèu sus es 2.400 m de maitiada, en tot descéner pendent eth maitin cap as 1.500 m e en tot plaçar-se per jos es 1.000 m pera tarde. Acumulacions de 20 a 30 cm peth dessús des 2.000 m.
Vents deth nòrd damb quauques bohades moderades. 
Fòrta descenuda de temperatures (4°/8° en Aubèrt; 2°/5° en Bagergue).

Eth dimenge 28, auram un dia caperat. Existís quauqua discordància entre es desparièrs modèls en çò que tanh ara precipitacion, en principi se demoren nheuades fèbles damb còta de nhèu per jos es 800 m e puntuauments en tot descéner cap as 600 m. Acumulacions de 10 a 15 cm en còtes nautes.
Temperatures encara mès baishes en tot provocar es prumères gelades dera sason en zònes baishes (0°/7° en Aubèrt; -1°/4° en Bagergue).

Seguiram atenti ara evolucion d'aguesta irrupcion d'aire heired en pròplèus bulletins.