13/3/20

Diuendres damb bromères, quauqua rogina e ambient fresc. Dimenjada assolelhada e damb ascens de temperatures.

Aué diuendres 13 de març, auram bromères que poderien deishar bèra fèbla rogina, sustot pendent eth maitin. Pera tarde se dauriràn quauques clarulhes. Vents fèbles deth nòrd-oest.
Descenuda des temperatures minimes respecta as de principi de setmana (7°/10° en Bossòst; 2°/4° en Baqueira 1800).

Eth dissabte 14, serà pro assolelhat encara poderie demorar quauqua broma fòrça escampilhada ena zòna mès baisha dera Val. Vents fèbles deth nòrd.
Temperatures similares ara jornada anteriora (4°/12° en Bossòst; 1°/3° en Baqueira 1800).

Eth dimenge 15, seguiram damb cèus sereni, encara qu'a darrères ores aumentarà era nivolositat; pas s'escarte bèt fèble plojat pendent era net. Vents fèbles deth sud.
Notable ascens des temperatures diürnes (1°/18° en Bossòst; 0°/6° en Baqueira 1800).