11/6/21

Dimenjada damb maitins tranquills. Tardes damb inestabilitat e possibilitat de tronades isolades.

Aué diuendres 11 de junh, auram un maitin damb solei leugèraments embaranat per quauques bromes  primes. Pera tarde se formaràn bromalhs convectius, que coma es darrèri dies se desvoloparàn principauments en vessant sud, encara qu'aué existís ua probabilitat mès nauta qu'afècten ara Val, sustot ena zòna mès meridionau. Es tempèstes poderien èster puntuauments intenses encara que de cuerta durada.
Temperatures un shinhau peth dessús des abituaus (11º/22º en Casau; 12º/23º en Les).

Eth dissabte 12, eth maitin serà assolelhat. Pera tarde se tornaràn a formar bromalhs d'evolucion damb probabilitat nauta de tronades isolades de rapid desvolopament e de cuerta durada.
Temperatures en ascens (12º/25º en Casau; 13º/26º en Les).

Eth dimenge 13, auram un maitin assolelhat. A compdar de meddia, aute carrèr formacion de bromalhs convectivus damb ua probabilitat mieja de tempèsta.
Temperatures fòrça nautes que poderien superar es 30ºC en zònes deth Baish Aran  (14º/28º en Casau; 15º/29º en Les).