Ena jornada d'ager era còta de nhèu tardèc mès en pujar de lo qu'auíem previst e non comencèc a plòir en hons de val enquias 9 dera net, damb çò que s'acumulèren celhs importanti en hons de Val coma es 26 cm de Vielha en zònes nautes s'acumuli mès de miei mètro.
Aué diuendres 10 de deseme seguiram damb nivolositat abondiua e precipitacions intenses pendent grana part dera jornada. Era còta de nhèu, caprichosa aguesti dies, se place enes 1.800 m a prumères ores e descenerà cap as 1.100 m pendent era tarde, inclús un shinhau per dejós pera net. Acumulacions de mès de 50 cm en Cap de Baquèira. Vents fòrti de noroest damb quauques bohades fòrça fòrtes en zònes nautes.
Temperatures un shinhau mens heiredes qu'en jornades anteriores (1º/6º en Vielha; 0º/4º en Bagergue).
Eth dissabte 11 seguiram damb cèus pro corbidi encara que pendent era tarde poderien aparéisher quauques clarulhes. Es precipitacions encara seràn intenses pendent era maitiada, en tot afeblir-se e en tot hèr-se mès intermitentes pendent era jornada. Contunharàn es vents fòrts deth nor-oest.
Temperatura similara (2*º/6*º en Vielha; 0º/4º en Bagergue).
Eth dimenge 12 serà assolelhat damb quauques brumes escampilhades a prumères ores.
Temperatures en ascens (3º/10º en Vielha; 1º/9º en Bagergue).
