26/11/21

Prumèra dimenjada d'iuèrn ena Val d'Aran.

Aué diuendres 26 de noveme serà ua jornada damb cèus variables encara que predominaràn es bromes. Possibilitat de bèra fèbla precipitacion a prumères ores damb ua còta ath torn des 1.000 m. Vents deth nòrd damb quauqua bohada moderada en zònes nautes.

Temperatures heiredes (1º/3º en Canejan; 0º/2º Salardú).


Eth dissabte 27, serà pro caperat encara qu'en torn a meddia apareisheràn quauquues clarulhes. Nheuades moderades, puntuauments intenses pendent era maitiada e grana part dera jornada, damb  pauses enes precipitacions ath torn de meddia. Es nheuades començaràn enes 1000 m ena maitiada en tot descéner ath long dera jornada a totes es còtes. Acumulacions que superaràn es 20 cm en còtes nautes. Se refortilharà eth vent deth noroest.

Contunharàn es temperatures de plen iuèrn (-2º/3º en Canejan; -3º/1º Salardú).


Eth dimenge 28, contunharam damb nivolositat abondiua e possibilitat de quauques clarulhes pendent era tarde. Seguiràn es nheuades en quinsevolh còta que e s'acumularàn De 20 a 30 cm mès en Baqueira 2500. Eth vent contunharà en tot èster notable.

Temperatures encara mès baishes, qu'en quauqui punts pas superaràn es 0 °C (-3º/0º en Canejan; -5º/-1º Salardú).