Dimenjada damb variabilitat tardoenca e quauques precipitacions fèbles es tardes deth dissabte e dimenge.

Diuendres 13 de noveme
Era jornada començarà damb bromalhs baishi, ambient brumós e quauqua rogina fèble residuau a prumères ores. Ath long deth dia eth cèu se daurirà e pera tarde deisharà clars, damb rèstes de bromalhs baishi. Brisa deth nòrd.
Es temperatures leugèraments peth dessús des abituaus
🌡️ Es Bòrdes: 8 °C / 12 °C
🌡️ Casau: 7 °C / 11 °C

Dissabte 14 de noveme
Eth maitin començarà damb solei e preséncia de quauqui bromalhs escampilhadi. Pendent era tarde era nivolositat aumentarà, en tot deishar precipitacions de caractèr fèble e damb ua còta de nhèu plaçada enes 2.200 m. Vents fèbles de direccion sud-oest.
Es temperatures en leugèr ascens.
🌡️ Es Bòrdes: 7 °C / 13 °C
🌡️ Casau: 6 °C / 12 °C

Dimenge 15 de noveme
Eth maitin arrincarà damb solei velat per bromalhs nauti. Ath long dera tarde tornarà a aumentar era nivolositat que deisharie quauques precipitacions fèbles, en tot plaçar-se era còta de nhèu enes 2.100 m. Vents fèbles deth sud-oest damb quauqua bihada moderada en zònes exposades pendent eth maitin.
Es temperatures diürnes que enregistraràn un leugèr repós.
🌡️ Es Bòrdes: 6 °C / 14 °C
🌡️ Casau: 5 °C / 13 °C

Dimenjada estable, damb temperatures diürnes en ascens e un shinhau de nivolositat, sustot eth dissabte.

Diuendres 6 de noveme
Jornada de temps fòrça plasent e estable en tota era Val. Pendent eth maitin eth solei luderà damb totau hegemonia sus un cèu entièrament seren. Pera tarde eth solei compartirà protagonisme damb eth pas de primes bandes de bromalhs nauti. Airolet fèble de direccion variable.
Es temperatures minimes an tornat a èster heiredes, damb gelades en grana part dera Val d'Aran, ath temps que es maximes se plaçaràn en valors normaus entà principis de noveme.
🌡️ Canejan: 0 °C / 13 °C
🌡️ Arties: -1 °C / 12 °C

Dissabte 7 de noveme
Contunhitat deth temps estable, encara que damb aumentn dera nivolositat. Eth maitin començarà damb solei embaranat per bromalhs nauti. Era tarde serà mès caperada.
Es temperatures experimentaràn un leugèr ascens.
🌡️ Canejan: 2 °C / 14 °C
🌡️ Arties: 1 °C / 12 °C

Dimenge 8 de noveme
Estabilitat anticiclonica pleaments assolidada acompanhada d'un ascens des valors termiques diürni. Tant peth maitin coma pera tarde eth solei luderà de forma constanta, encara que parciauments velat per bandes de bromes nautes. Vents fèbles deth sud.
Es temperatures maximes pujaran e se plaçaràn peth dessús des tipiques entad aguesta epòca. Aguest ascens s'assolidarà era setmana que ven.
🌡️ Canejan: 2 °C / 16 °C
🌡️ Arties: 1 °C / 15 °C