Estabilitat e solei damb temperatures fresques de net e normaus entara epòca pendent eth dia.

Diuendres 30 d'octobre
Jornada de temps plasent, estable e pleaments assolelhat en tota era Val. Pendent era jornada eth solei luderà damb fòrça sus cèus sereni, encara qu'a darrères ores poderien aparéisher quauques bromes fòrça escampilhdees en zònes baishes dera Val. Aitolet feble deth sud pendent era tarde.
Es temperatures minimes an estat heiredes ath temps que es maximes artenheràn valors típics entara epòca.
🌡️ Vila: 4 °C / 17 °C
🌡️ Garòs: 3 °C / 16 °C

Dissabte 31 d'octobre
Contunharà era estabilitat. Tant peth maitin coma pera tarde eth solei luderà damb totau hegemonia en un cèu net de bromalhs. Brises locaus deth nòrd-oest.
Es temperatures maximes desceneràn leugèraments, en tot deishar un ambient unn shinhau mès fresc.
🌡️ Vila: 4 °C / 15 °C
🌡️ Garòs: 3 °C / 14 °C

Dimenge 1 de noveme
Contunhitat dera cauma. Eth maitin començarà damb solei e quauques bandes de bromalhs nauti fòrça primi. Era tarde se mantieràn damb cèus sereni. Vents fèbles deth nòrd.
Es temperatures se mantieràn en valors similars ara jornada anterior.
🌡️ Vila: 3 °C / 15 °C
🌡️ Garòs: 2 °C / 14 °C

Dimenjada tranquilla damb temperatures ath torn des normaus entara epòca.

Diuendres 23 d'octobre
Jornada de cèus variables damb un shinhau d'inestabilitat a darrères ores. Pendent era jornada eth solei s'alternarà damb bancs de bromalhs baishi e quauqua rogina fòrça puntuau pendent era tarde. De cara ara net es cèus demoraràn cuberti damb ploges fèbles e ua còta de nhèu plaçada enes 1.600 metres. Vents fèbles de nòrd damb quauqua bohada moderada en nautada.
Es temperatures maximes se plaçaràn per jos des abituaus entà finaus d'octobre
🌡️ Bossòst: 7 °C / 14 °
🌡️ Casarilh: 6 °C / 13 °C

Dissabte 24 d'octobre
Tendéncia clara cap ara estabilizacion atmosferica e dubertura de clars. Pendent eth maitin persistiràn quauqui intervaus de bromalhs baishi e solei embaranat per bromes nautes e primes. Ath long dera tarde era nivolositat anarà a mens, en tot dominar er ambient estable damb solei e quauques bandes de bromalhs nauti. Vents fèbles de nòrd.
Es temperatures similares ara jornada anterior.
🌡️ Bossòst: 6 °C / 13 °C
🌡️ Casarilh: 5 °C / 12 °C

Dimenge 25 d'octobre
Consolidacion dera estabilitat e un ambient mès agradable pendent es ores centraus. Tant peth maitin coma pera tarde eth solei luderà damb fòrça, encara que parciauments velat per capes primes de bromalhs nauti e quauque banc de bromalhs baishi residuaus en vessants. Airolet fèble deth nòrd.
Es temperatures maximales enregistraràn un leugèr ascens.
🌡️ Bossòst: 7 °C / 15 °C
🌡️ Casarilh: 6 °C / 13 °C