18/9/20

Diuendres un shinhau embromat e damb possibilitat de plojats de tarde. Dimenjada variabla.

Aué diuendres 18 de seteme, pendent eth maitin auram cèus corbidi damb bromes nautes e mieges alternades damb quauqui clars,  e més compactes pera tarde. Possibilitat de plojats pendent era tarde, qu'a darrères ores e pendent era maitiada poderien èster puntuauments intensi. Vents fèbles deth sud damb quauques bohades fòrtes en tot acompanhar es plujats deth ser.
Temperatures d'ostiu (14º/25º en Vielha; 13º/24º en Salardú).

Eth dissabte 19, pendent eth maitin auram bromes nautes que embaranaràn un shninhau eth cèu, pera tarde era nivolositat serà mès compacta. Se poderie produsir quauque borrat isolat a prumères ores. Pendent era tarde era probabilitat de tronada serà nauta. Vents fèbles deth sud-oest.
Temperatures en leugera descenuda més encara peth dessús des abituaus entara epòca (12º/24º en Vielha; 11º/23º en Salardú).

Eth dimenge 20, seguiram damb nivolositat alternada damb quauques clarulhes e probabilitat de tronades pendent era tarde.
Es temperatures contunharàn en tot èster agradables (11º/23º en Vielha; 10º/22º en Salardú).