Aué diuendres 25 de seteme, serà un dia embromat damb precipitacions intenses e pro contunhades pendent era jornada. Era còta de nhèu descenerà enquia plaçar-se ath torn des 1.500 m, encara que puntuauments descenerà un shinhau mès. S'acumularàn de 40 a 50 cm de nhèu en Baqueira 2.500. Atencion donques qu'es precipitacions poderien provocar quauque lauehg de nhèu en zònes nautes e a bèt botàs en barrancs des zònes baishes dera Val.
Es vents seràn de deth nòrd-oest damb bohades fòrtes e inclús fòrça fòrtes en zònes nautes.
Temperatures heiredes (6º/9º en Es Bòrdes; 6º/8º en Casau).
Eth Dissabte 26, seguiram damb nivolositat abondiua. Pendent era maitiada encara auram precipitacions intenses qu'amendriràn pendent eth maitin e quasi en tot desaparéisher pendent era tarde. Pera net es precipitacions seràn fòrça intenses. Era còta de nhèu se plaçarà en torn as 2.000 m, encara que puntuauments descenerà cap as 1.500 m pendent era net. Se pòden acumular ath torn de 40 cm mès en còta 2.500.
Es temperatures contunharàn heiredes encara qu'en leugèr ascens (5º/11º en Es Bòrdes; 5º/10º en Casau).
Eth dimenge 27, eth maitin serà pro assolelhat. Pera tarde aumentaràn era nivolositat encara que pas se demoren precipitacions enquia era net.
Temperatures similares ara jornada anteriora (5º/12º en Es Bòrdes; 5º/11º en Casau).
