Iuèrn 2018/19: Episòdi pilòt.

Aué dissabte 27 d'octobre, serà un dia caperat damb precipitacions fèbles, que puntuauments poderien èster moderades. Còta de nhèu enes 2.200 m a prumères ores en tot descéner cap as 1.200 m a meddia e en tot plaçar-se enes 900 m a darrères ores. Acumulacions de 20 a 30 cm en còtes nautes.
Vents de nòrd damb quauqua bohada moderada.
Temperatures en descenuda ath long dera jornada (5°/8° en Aubèrt; 2°/5° en Bagergue).

Eth dimenge 28, seguiram damb cèus caperadi, que mos deisharàn precipitacions fèbles e intermitentes damb còta de nhèu sus es 600 m. Acumulacions de 10 a 15 cm en còta 2.500.
Vents deth nòrd damb quauques seguides moderades.
Temperatures de plen iuèrn que provocaràn es prumères gelades en zònes baishes dera Val d'Aran (0°/5° en Aubèrt; -2°/2° en Bagergue).

Eth deluns 29, contunharam damb cèus corbidi encara que semble que pas mos deisharàn precipitacions significatives.
Temperatures minimes un shinhau mès baishes qu'era jornada anteriora (-1°/5° en Aubèrt; -3°/2° en Bagergue).