Dimenjada damb temperatures agradables e inestabilitat pes tardes.

Aué diuendres 28 de mai, auram un maitin damb solei leugeraments embaranat per quauques bromes nautes. Pera tarde aumentarà era nivolositat e se formaràn bromalhs d'evolucion damb possibilitat de tronada, sustot en vessant sud, encara que non s'escarte que sauten ara zòna mès meridionau dera Val. Preséncia de povàs en suspension d'origin nòrd-african que poderie deishar un shinhau d'hanga. Vents fèbles de direccion variabla.
Temperatures quasi d'estiu (11º/23º en Vila; 10º/22º en Arties).

Eth dissabte 29, era nivolositat serà abondiua e s'alternarà damb quauques clarulhes. Probabilitat nauta de tronada pendent era tarde.
Temperatures en leugèra descenuda, encara que peth dessús des normaus entà miei mai (12º/21º en Vila; 11º/20º en Arties).

Eth dimenge 30, pendent eth maitin i aurà clars alternadi damb bromalhs d'evolucion, qu'anaràn a mès damb eth transcors des ores e que pendent era tarde poderien deishar quauqua tronada.
Temperatures similars ara jornada anteriora (11º/21º en Vila; 10º/20º en Arties).

Fin de setmana primauerau damb cèus variables.

Aué diuendres 21 de mai, auram un maitin assolelhat damb quauqui bromalhs nauti e fòrça primi. Pera tarde se formaràn bromes d'evolucion e quauqui bancs de broma qu'a darrères ores deisharàn bèra fèbla precipitacion. Vents loishi deth sud-oest.
Temperatures agradables (9º/21º en Benós; 7º/20º en Montcorbau).

Eth dissabte 22, s'alternaràn bromalhs e clars. Pas s'escarte quauqua fèbla rogina a darrères ores.
Temperatures en descens (8º/15º en Benós; 6º/14º en Montcorbau).

Eth dimenge 23, auram solei mbaranat per bromes nautes.
Es temperatures en leugèr ascens respecte a dissabte, més un shinhau per jos des abituaus  (7º/17º en Benós; 5º/16º en Montcorbau).

Dimenjada damb ascens de temperatures e un shinhau de nivolositat.

Aué diuendres 14 de mai, pendent eth maitin s'alternaràn bromes damb clars e se produsirà quauqua fèbla rogina, sustot a prumères ores. Pera tarde se dauriràn més clars.
Temperatures encara fresques (5º/12º en Les; 3º/10º en Mont).

Eth dissabte 15, auram bromes nautes e mieges alternadas damb clarulhes. Pendent era net se poderie produsir bèra fèbla precipitacion.
Temperatures en ascens que se plaçaràn laguens des abituaus entà miei mai (6º/18º en Les; 5º/17º en Mont).

Eth dimenge 16, era nivolositat serà mès destacabla, encara qu'auram quauques clarulhes esporadiques. Pas s'escarte bèra fèbla e irregulara rogina.
Temperatures similares ara jornada anteriora (8º/17º en Les; 7º/16º en Mont).

Aué quauques quauques brumes maitiaus. Dissabte assolelhat e damb temperatures d'ostiu. Dimenge damb possibilitat de plojats de tarde.

Aué diuendres 7 de mai, auram un maitin damb bromes alternadess damb quauques clarulhes e damb bèra fèbla rogina a prumères ores. Pera tarde predominaràn es clars damb quauqui bromalhs nauti. Temperatures un shinhau peth dessús des abituaus (10º/19º en Arró; 9º/17º en Gessa).

Eth dissabte 8, serà assolelhat damb quauqui intervaus de bromalhs nauti e fòrça primi. Vents fèbles deth sud damb bèra bohada moderada pera tarde. Temperatures de plen estiu  (10º/25º en Arró; 9º/24º en Gessa).

Eth dimenge 9, eth maitin serà pro assolelhat. A compdar de meddia aumentarà era nivolositat damb possibilitat de plojats a mieja tarde e que se poderien alongar pera net. Vents deth sud damb quauqua bohada fòrta. Leugèra descenuda des temperatures diürnes, que seràn similares as deth diuendres (11º/20º en Arró; 10º/19º en Gessa).