12/12/25

Tres dies fòrça estables, damb solei e temperatures peth dessús des normaus entà miei deseme.

Diuendres 12 de deseme:
Maitin damb solei e quauqui bromalhs nauti fòrça primi. Pera tarde, ambient pleaments assolelhat e fòrça luminós. Aué i aurà un leugèr airolet deth sud, a penes perceptible en zònes baishes, un shinhau mès present en zònes exposades.
Temperatures peth dessús des abituaus.
🌡️ 3 °C / 12 °C en Bausen · 1 °C / 10 °C en Unha.

Dissabte 13 de deseme:
Dia totauments assolelhat, damb visibilitat excellenta e ambient estable.
Temperatures similares ara jornada anteriora.
🌡️ 2 °C / 11 °C en Bausen · 1 °C / 10 °C en Unha.

Dimenge 14 de deseme:
Jornada damb solei e quauqui bromalhs nauti quasi transparents peth maitin. Pera tarde, cèu seré e ambient agradable. Floish airolet deth sud.
Es temperatures contunharàn doces entara epòca encara que damb un shinhau d'inversion termica pendent era net.
🌡️ 3 °C / 11 °C en Bausen · 2 °C / 10 °C en Unha.

5/12/25

Pònt estable, pro assolelhat e damb notable ascens de temperatures.

Es nheuades des darrères ores an deishat de 10 a 15 cm enes estacions nivologiques plaçades ath torn des 2200 m de nautada.

Diuendres 5 de deseme:
Maitin damb clars intercaladi damb bromes e bromalhs baishi. En còtes nautes pòt quèir quauque flòc despistat. Pera tarde era nivolositat serà un mès compacta. Pendent era net, precipitacions fòrça fèbles damb còta de nhèu enes 2.300 m.

Aué es temperatures aumentaràn ath long dera jornada e es maximes seràn a darrères ores.
🌡️ 1 °C / 8 °C en Vielha · 0 °C / 6 °C en Salardú.

Dissabte 6 de deseme:
Jornada establa e temperada, damb solei, quauqui bromalhs nauti e quauqua broma dispersa en nòrd dera Val. Temperatures en notable ascens que se van ja a plaçar pro peth dessús des abituaus.
🌡️ 5 °C / 12 °C en Vielha · 3 °C / 11 °C en Salardú.

Dimenge 7 de deseme:
Dia assolelhat, damb quauqui bromalhs nauti fòrça primi e damb visibilitat excellenta.
Ambient doç entara epòca damb temperatures uns 5 °C peth dessús des abituaus
🌡️ 5 °C / 13 °C en Vielha · 4 °C / 12 °C en Salardú.