Dimenjada iuernau damb nheuades que poderien deishar mès de 25 cm en Cap de Baqueira e solei diuendres e dimenge peth maitin.

Diuendres 23 de gèr
Aué auram un shinhau de nivolositat a prumères ores que s'anarà lheuant entà deishar-mos ua jornada assolelhada, sustot a compdar deth meddia. Pera net, eth cèu tornarà a corbir-se progressivaments. Se pòt escapar quauqua precipitacion despistada des deth vessant sud a prumères ores e pendent era maitiada, damb ua còta que baisharà des 900 m as 600 m. Vents fèbles deth sud damb quauqua bohada moderada en zònes nautes. Temperatures normaus entara epòca.
🌡️ 0 °C / 8 °C en Bossòst 🌡️ -2 °C / 6 °C en Tredòs

Dissabte 24 de gèr
Jornada mercada per cèus totauments cuberti pendent tot eth dia. Se demoren precipitacions en forma de nhèu en totes es còtes dera Val, damb acumulacions totaus que poderien superar es 20 cm de nhèu naua ath long dera jornada. Eth vent virarà a component nòrd, çò qu'incrementarà era sensacion de heired. Es temperatures sofriràn ua descenuda leugera.
🌡️ -1 °C / 6 °C en Bossòst 🌡️ -3 °C / 4 °C en Tredòs

Dimenge 25 de gèr
Maitin assolelhadt damb intervaus de bromalhs nauti, pera tarde aumentarà era nivolositat e se preven nheuades intermitentes damb acumulacions d'ath torn de 10 cm, e ua còta de nhèu qu'oscillarà entre es 600 e es 1.100 m. Eth vent deth nòrd seguirà present, en tot mantier eth flux d'aire heired. Es termomètres contunharàn en descenuda, en tot assolidar ua dimenjada iuernau.
🌡️ -1 °C / 5 °C en Bossòst 🌡️ -3 °C / 3 °C en Tredòs

Pendent era dimenjada se pòden acumular mès de 50 cm peth dessús de 2000 m. Diuendres damb nheuades e vent que guanharàn intensitat pendent era jornada. Eth dissabte contunharàn es nheuades entre moderades e intenses. Dimenge probablaments eth melhor dia d'esquí dera sason.

Diuendres 9 de gèr
Jornada fòrça caperada, encara que pendent eth maitin apareisheràn clarulhes esporadiques. Precipitacions moderades ar auba, que passaràn a èster fèbles ath long deth maitin. Pera tarde tornaràn a guanhar intensitat, damb ua pausa ath ser abantess de refortilhar-se pendent era net. Acumulacions importantes sustot pendent era net que deisharien uns 20 cm peth dessús de 2000 m enquia miejanet. Còta de nhèu en tot descéner des des 1300 m cap a totes es quòtes
Vent intens pendent era tarde e net, deth nordoest, damb moments que tenderà en eth a compausant est.
Descenuda de temperatures pendent era jornada, es minimes s'enregistraràn a darrères ores.
🌡️ –1 °C / 4 °C en Gausac. –2 °C / 3 °C en Bagergue.

Dissabte 10 de gèr
Dia gris e heired, damb nheuades practicaments contínues, mès frequentes e intenses pendent eth maitin, quan eth vent deth nòrdoest boharà damb fòrça en còtes mieges e nautes. Pera tarde, es precipitacions seguiràn presents, un shinhau mens intenses e mens persistentes, damb era còta en tot baishar cap as 700 m. Acumulacions previstes de pròp de 30 cm en còtes nautes 15 cm en hons de Val. Era nheuada remeterà pera net.
Ambient claraments iuernau pendent tota era jornada.
🌡️ –1 °C / 2 °C en Gausac. –2 °C / 0 °C en Bagergue.

Dimenga 11 de gèr
Probablaments eth melhor dia d'esquí dera sason, damb solei e quauqui bromalhs nauti e primi. Ambient heired, Sensacion termica baisha a prumères ores, mès en recuperacion pendent era tarde.
🌡️ –2 °C / 7 °C en Gausac. –3 °C / 5 °C en Bagergue.