20/7/18

Dimenjada fresca e damb es tipiques bromères araneses

Aué diuendres 20 de junhsèga, jornada ena que se celèbre eth romiatge de Santa Margarida en Bagergue: auram un maitin damb bromères a miei vessant alternades damb quauqui clari e un shinhau de solei enes zònes mès nautes. Pera tarde es bromères se haràn mès compactes e poderien provocar quauque plojat. Vents fèbles deth nord-oest.
Fòrta descenuda des temperatures diürnes (15°/21° en Casau; 13°/18° en Bagergue).

Eth dissabte 20, jornada que se disputarà "Era Roda Non Stop", serà pro embromat damb bromères, bromes baishes e damb quauques rogines fèbles e intermitentes pendent eth maitin e quauque plojat de tarde.
Temperatures per jos des normaus entara epòca (11°/19° en Casau; 9°/14° en Bagergue; 8°/10° en Còth de Varradòs).

Eth dimenge 21, pendent eth maitin encara auram quauques bromères alternades damb clars. Pera tarde desapareisheràn es bromes.
Temperatures en leugèra recuperacion (11°/21° en Casau; 9°/16° en Bagergue).

19/7/18

Dijaus d'estiu. Diuendres e dissabte fresqui.

Aué dijaus 19 de junhsèga, serà ua jornada assolelhada encara que pendent era tarde se formaràn quauqui bromalhs escampilhadi damb probabilitat baisha que se produsisque bèra precipitacion a darrères ores.
Temperatures nautes de plen estiu (12°/29° en Begós; 11°/28° en Casau).

Eth diuendres 20, pendent eth maitin s'alternaràn clari damb bromerès trucades as vessants. Pera tarde es bromes se haràn mès denses e se poderie produsir quauque plojat.
Temperatures diürnes en descenuda (12°/22° en Begós; 11°/21° en Casau; 9°/18° en Bagergue).

Eth dissabte 21, auram es tipiques bromères araneses que poderien deishar quauques intermitentes rogines.
Temperatures quauquarren mès baishes qu'era jornada anteriora (11°/20° en Begós; 10°/19° en Casau; 7°/12° en Còth de Varradòs).