8/3/24

Aué diuendres 8 de març, auram ues prumères ores pro caperades, quauques clarulhes en torn a meddia e intervaus de bromalhs nauti pendent era jornada. Plojats a prumères ores que desapareisheràn pendent eth maitin, còta de nhèu en torn as 1100 m damb acumulacions d'uns 5 cm en còtes nautes. Pera tarde es precipitacions afectaràn principauments ath vessant sud, en tot afectar fèble e indirèctaments enes zònes mès meridionaus e orientaus dera Val. Vents deth sud que se haràn notar.


Eth dissabte 9, es bromalhs nauti e mieis s'alternarán damb quauqui clars, sustot en es ores centraus dera jornada. Es precipitacions contunharàn concentrades en vessant sud, encara que pendent eth maitin arribaràn enes zònes mès ath sud e est dera Val, era còta de nhèu oscillarà ath torn des 1300 m e se pòden acumular mès de 10 cm en zònes nautes. Vents deth sud damb bohades fòrtes pendent era maitiada.


Eth dimenge 10, seguiram damb predominança de bromalhs nauti e mieis intercaladi damb quauque clar. Pendent era tarde se produsiràn precipitacions damb ua còta d'uns  1100 m e acumulacions de un shinhau mès de 5 cm en . Vents fèbles de direccion variable.

1/3/24

Diuendres pro assolelhat. Dimenjada fòrça variabla damb tòcs iuernaus a compdar deth dissabte pera tarde. Nheuades que poderien deishar uns 30 cm en còtes nautes.

Aué diuendres 1 de març, auram brumes a prumères ores que s'anaràn lheuant entà deishar-mos ua jornada assolelhada damb quauqui intervaus de bromalhs nauti.

Temperatures normaus entara epòca (0°/9° en Vielha; -1°/8° en Mont).

Eth dissabte 2, auram cèus embaranadi per bromalhs nauti e mieis, que haràn pèrder era sensacion de relèu ena nhèu e que s'alternaran damb quauque clarulhes. A darrèra ora aumentarà era nivolositat. Precipitacions que pendent era jornada afectaràn ath vessant sud e indirèctaments ara Val. Ath ser es plojats, moderadi puntuauments intensi, arribaràn ara Val d'Aran, damb ua còta de nhèu que descenerà des des 1300 cap as 500m. Es acumulacions pendent era net e era maitiada poderien superar es 25 cm en còtes nautes. Vents deth sud damb quauques bohades moderades virant a nòrd a darrères ores.
Temperatures similares ara jornada anteriora, un shinhau rescauades peth vent deth sud e en descenuda a darrères ores (1°/9° en Vielha; 0°/8° en Mont).

Eth dimenge 3, serà pro caperat damb quauques clarulhes esporadics. Contunharàn es nheuades en totes es còtes, encara que de manèra mès fèbla en tot acumular-se ath torn de 10 cm en Baqueira 2500 pendent era jornada. Vents fèbles deth nòrd damb quauqua seguida moderada en zònes nautes.
Temperatures iuernaus (-2°/3° en Vielha; -3°/2° en Mont).